ఏపీ మారుమూల గ్రామాలకు రోడ్డు సౌకర్యం: రూ.446 కోట్లు మంజూరు

ఆంధ్రప్రదేశ్ రాష్ట్రంలోని గిరిజన, గ్రామీణ ప్రాంతాల్లో రోడ్ల అభివృద్ధికి ఉప ముఖ్యమంత్రి పవన్ కళ్యాణ్ చేసిన ప్రతిపాదనలకు కేంద్ర ప్రభుత్వం ఆమోదం తెలిపింది.

ఈ ప్రాజెక్టు కింద 158 మారుమూల గ్రామాలకు ప్రధాన రహదారులతో అనుసంధానం ఏర్పడనుంది.మొత్తం 347 కిలోమీటర్ల మేర 146 రోడ్లు, 19 వంతెనల నిర్మాణానికి శ్రీకారం చుట్టనున్నారు.

ప్రధానమంత్రి గ్రామ సడక్ యోజన (PMGSY) పథకం కింద కేంద్రం ఈ పనుల కోసం నిధులు మంజూరు చేసింది.

రోడ్ల నిర్మాణానికి రూ.422.10 కోట్లు, వాటి నిర్వహణకు మరో రూ.24.47 కోట్లు కేటాయించారు.

ఈ పనులను నాణ్యతా ప్రమాణాలతో పూర్తి చేయాలని పవన్ కళ్యాణ్ అధికారులను ఆదేశించారు.